ჩასაძირი ტუმბო (ჭაში, ჭაბურღილში და მისთ. ჩასაშვები ცენტრიდანული ტიპის ელექტრული ტუმბო (ESP)) არის მოწყობილობა, რომელსაც აქვს ჰერმეტულად დალუქული ძრავა, რომელიც მჭიდროდ არის დაკავშირებული ტუმბოს კორპუსთან. მთელი კომპლექტი ჩაშვებულია სატუმბ სითხეში. ამ ტიპის ტუმბოს მთავარი უპირატესობა არის ის , რომ ის აფერხებს კავიტაციას, პრობლემას, რომელიც დაკავშირებულია ტუმბოსა და სითხის ზედაპირს შორის სიმაღლეში დიდ სხვაობასთან. ჩასაძირი ტუმბოები სითხეს უბიძგებენ ზედაპირისკენ ჭავლური ტუმბოებისგან განსხვავებით, რომლებიც ქმნიან ვაკუუმს და ეყრდნობიან ატმოსფერულ წნევას. ჩასაძირი ტუმბოები იყენებენ წნევის ქვეშ მყოფ ზედაპირის სითხეს ჰიდრავლიკური ძრავის (ელექტრული ძრავისგან განსხვავებით) სიღრმეში გადასაყვანად, აგრეთვე მძიმე საწვავს გაცხელებული წყლით, როგორც მამოძრავებელი სითხე.
ელექტრო ჩასაძირი ტუმბოები არის მრავალსაფეხურიანი ცენტრიდანული ტუმბოები, რომლებიც მუშაობენ ვერტიკალურ მდგომარეობაში. იმპელერით აჩქარებული სითხეები კარგავენ კინეტიკურ ენერგიას დიფუზორში, სადაც კინეტიკური ენერგია გარდაიქმნება ნაკადის ენერგიად. ეს არის რადიალური და შერეული ნაკადის ტუმბოების მუშაობის ძირითადი მექანიზმი. HSP-ში ძრავა არის ჰიდრავლიკური ძრავა და არა ელექტროძრავა და შეიძლება იყოს შეკრული ციკლი (სამუშაო სითხის გამოყოფა წარმოებული სითხისგან) ან ღია ციკლი (სამუშაო სითხის შერევა წარმოებულ სითხესთან სიღრმეში, ზედაპირზე განცალკევებით). ტუმბოს ლილვი დაკავშირებულია აირგამომყოფთან ან პროტექტორთან ტუმბოს ბოლოში მდებარე მექანიკური შეერთებით. სითხეები შედის ტუმბოში მიმღები ბადის მეშვეობით და იწევა ტუმბოს საფეხურებით. სხვა ნაწილები მოიცავს რადიალურ საკისრებს (მილისები ), რომლებიც ნაწილდება ლილვის სიგრძეზე, რაც უზრუნველყოფს ტუმბოს ლილვის რადიალურ მხარდაჭერას. დამატებითი საბჯენი საკისარი იკავებს ტუმბოში წარმოქმნილი ღერძულ ძალების ნაწილს, მაგრამ ამ ძალების უმეტესი ნაწილი შეიწოვება პროტექტორის საბჯენი საკისარის მიერ.
